المبيعات، والمخزون، والصيانة، والمصروفات، والمكسب، والرد على العملاء في كل وسائل التواصل. كل ده في مكان واحد، ومن موبايلك تعرف إيه اللي بيحصل.
ابدأ من هنامعاك HINDAWY، بنعمل أنظمة إدارة وأتمتة للشركات. مش محتاج أي خبرة في التكنولوجيا. كل فكرة هتلاقي فوقها شرح بسيط وخطواتها، وتحتها شكلها وهو شغال. انزل بالراحة، والشاشات بتتحرك لوحدها.
العميل بيسأل في أي وقت، وغالبًا بيسأل كذا مكان. الرد الأسرع بيزود فرصة البيع، وبيخلّي العميل راضي وواثق في المكان من أول رسالة.
في معرضكم: عميل بعت الساعة 10 بالليل «بكام البوكسر؟»، ياخد إجابته فورًا وهو لسه مهتم.
على فيسبوك، وماسنجر، وإنستجرام، وواتساب، والقنوات التانية حسب اللي كل منصة بتسمح بيه. يرد بالسعر والتوفر والعروض والعنوان، ويسجل المهتمين.
يقول سعر المكنة أو القطعة النهارده، قطاعي أو جملة، من البيانات اللي بنجهزها معاكم.
يقرا الكمية من المخزون، ويقول متوفر أو قرب يخلص أو خلص.
يشرح العرض الحالي وشروطه، ويوقفه لما يخلص.
يسأل عن الموديل، ويعرف القطعة المناسبة، حتى لو العميل بعت صورتها.
يقول المواعيد والعنوان، ويسجل حجز الصيانة.
ياخد الاسم والرقم والاهتمام، ويضيفهم للنظام عشان يتتابعوا.
مش لازم العميل يكتب اسم القطعة صح. يبعت اللي يسهل عليه، والشات بوت يفهم المطلوب ويرد عليه من بيانات المعرض.
ولو الصورة مش واضحة أو مش متأكد، يسأل العميل أو يبعتها للمسؤول، بدل ما يقول إجابة غلط.
مش بيخمّن. احنا بنعرف منكم الأسعار وسياسات الدفع والشحن والمواعيد والضمان، وبنكتبها ونجهزها بالظبط زي شغلكم. والمخزون بيتحدث لوحده من النظام مع كل بيعة أو توريد.
بنراجع المحادثات والسياسات باستمرار، وبنعرضلكم اللي بيحصل. لو فيه رد محتاج يتظبط، أو حاجة تتضاف، بنعدلها. وبنحدد معاكم هو يرد لوحده على إيه، وإيه اللي يتبعت للمسؤول.
الشات بوت يخلّص الأسئلة المتكررة. ولو الموضوع محتاج حد، النظام بيبعت رسالة للمسؤول عن الحاجة دي، ومعاها كل اللي العميل قاله، عشان يكمّل معاه من غير ما يبدأ من الأول.
في معرضكم: تاجر عايز طلبية جملة كبيرة، توصل رسالة لمسؤول قطع الغيار يكمّل معاه.
محدش محتاج يفضل قاعد على الموبايل. والعميل اللي محتاج إنسان بيوصل للمسؤول، والردود المتكررة بتقل.
موقع خاص بالمعرض يتفتح من الموبايل أو الكمبيوتر. الموظف يسجل، والنظام يحسب، والإدارة تشوف المبيعات والمخازن والمصروفات والمكسب في أي وقت.
في معرضكم: مكنة بوكسر اتباعت، تتسجل مرة واحدة، فتتخصم من المخزون وتظهر في المبيعات والمكسب.
دوس على أي قسم وشوف شاشته. وعلى الكمبيوتر الشاشات بتقلب لوحدها كمان. والأرقام والأسماء للتوضيح.
حتى لو انت برة المعرض. تقرير يومي بكل اللي اتباع والمصروفات والمكسب، وتقرير كل أسبوع وكل شهر بيقارن الفترات ببعض. ويوصلك ملخص كمان على واتساب.
البيانات اللي بتتاخد مش ثابتة: بنعرف منكم إيه اللي محتاجينه يتسجل عن كل عميل وكل بيعة، وبنجهز الشاشة على طلبكم. زي اسم العميل، ورقمه، والموديل، والشاسيه، والموتور، والسعر. ولما الموظف يحفظ، كل ده بيتحفظ مرة واحدة.
وبعد الحفظ: المخزون يتخصم، والفلوس تتسجل، وملف العميل والضمان يتفتحوا، والجواب يتضاف للمتابعة.
كل بيعة بتخصم، وكل توريد بيزود، وكل سؤال على حاجة ناقصة بيتسجل كطلب، سواء من الشات بوت أو الموظف. فتطلبوا اللي الناس محتاجاه فعلًا.
في معرضكم: كذا حد سألوا على فلتر زيت وهو خلصان، فتعرفوا تطلبوه، وتبلّغوهم لما يوصل.
ولما البضاعة توصل، بضغطة تبلّغوا كل اللي كانوا طالبينها.
كل اللي اشتروا ولسه ما خدوش الجواب متسجلين في قسم خاص. الموظف يتابع منه، والعميل توصله رسالة أول ما جوابه يجهز، بدل مكالمات «خلص ولا لسه؟».
في معرضكم: بدل ما العميل يتصل يسأل «الجواب خلص؟»، توصله رسالة بالميعاد اللي يستلم فيه.
البيعة مرة واحدة، لكن الصيانة وقطع الغيار بيتكرروا لسنين. كل عميل بنفكره يرجع لكم، بيدخل مكسب أكتر، وبيبقى عميل أحسن وأوفى للمكان.
في معرضكم: صاحب البوكسر يوصله تذكير، يحجز الخميس، ويرجع لمركز صيانتكم بدل ورشة تانية.
مش مستنيين العميل يفتكر. النظام عارف من يوم البيع مكنته وضمانها، وبيبعتله في ميعاد الصيانة، حتى لو مفيش عروض. ورده بيتحول لحجز.
كل كارت فيه المشكلة والفني والقطع والمصنعية. لما الشغل يخلص، العميل يتبلغ، والقطع تتخصم، والفلوس والمكسب يتسجلوا.
كل زيارة صيانة بتجيب مصنعية وقطع غيار، من عميل عندكم أصلًا.
لما تفتكروا مكنته، بيثق فيكم وبيرجعلكم، وبيرشّحكم لغيره.
حجوزات واضحة، وضغط متوزع، ومعرفة مين شغال على إيه.
بننفذ ونجرب في أسرع وقت، بس على شغلكم انتو، مش نظام جاهز. وكل مرحلة تشوفوها قبل اللي بعدها.
نقعد مع الإدارة والموظفين، ونعرف السياسات والبيانات المطلوبة.
تشوفوها وتعدلوها قبل البرمجة.
نبدأ بالأساس، وبعدها باقي الأقسام.
الشيتات والعملاء والمخزون الحالي.
الشات بوت وواتساب والقنوات التانية.
شغل حقيقي، ونصلح اللي يظهر.
على استخدام النظام خطوة خطوة.
تحديثات ونسخ احتياطية ومتابعة مستمرة.
النظام متوصل بلوحة مراقبة عندنا. لو حصلت مشكلة أو حاجة وقفت، بيوصلنا تنبيه فورًا، ونبدأ نصلحها على طول، حتى قبل ما تحسوا بيها في كتير من الأحوال.
كلّم فريق HINDAWY، نفهم شغلكم ونشوف الدنيا سوا.